Një tentim vrasje ka ndodhur paradite në një kafeteri në Gjakovë, ku një person ka mbetur i lënduar pas një sulmi me thikë.
Zëdhënësja e policisë në Gjakovë, Vlera Krasniqi, ka njoftuar se rasti është raportuar më 14 shtator 2025, rreth orës 11:10, në rrugën “Anton Çeta”.
“Si pasojë e incidentit, njëri prej tyre ka pësuar lëndime trupore pasi është sulmuar me mjet të mprehtë nga tjetri. Njësitet e nevojshme policore kanë dalë menjëherë në vendin e ngjarjes, ku janë ndërmarrë veprimet e para hetimore”, tha Krasniqi.
Policia bëri të ditur se i dyshuari është arrestuar dhe me urdhër të prokurorit është dërguar në mbajtje për 48 orë.
