Një person është arrestuar pasditen e së shtunës në Pejë nën dyshimin për tentim të kryerjes së një marrëdhënie seksuale pa pëlqim.
Sipas raportit të policisë, rasti ka ndodhur rreth orës 17:27.
I dyshuari, mashkull kosovar dyshohet se në tualetin e një kafeterie ka tentuar të kryejë marrëdhënie seksuale me një femër kosovare, me të cilën më parë kishte bashkëjetuar.
Pas arrestimit, rasti është trajtuar në koordinim me prokurorin e shtetit, i cili ka urdhëruar që i dyshuari të lirohet në procedurë të rregullt pas intervistimit.
Hetimet për rastin janë duke vazhduar dhe autoritetet kompetente do të ndërmarrin të gjitha veprimet e nevojshme ligjore.
