Turqia është goditur edhe prej dy tërmeteve të reja gjatë ditës së sotme duke shkaktuar viktima dhe dëme materiale.
Agjencia turke e Menaxhimit të Fatkeqësive dhe Emergjencave (AFAD) njoftoi se tërmeti i parë i sotëm ishte me magnitudë prej 6.4 ballësh ndërsa i dyti me 5.8 shkallësh të Rihterit.
Ministri i Brendshëm, Suleyman Soylu njoftoi se tre persona kanë humbur jetën ndërsa disa njerëz kanë pësuar lëndime dhe janë dërguar për trajtime në spitale, raporton aa, transmeton KosovaNews.
Hatay’daki depremin görüntüsü araç kamerasına böyle yansıdıhttps://t.co/TpQ8J8g7JI pic.twitter.com/bqnxIXOe0v
— T24 (@t24comtr) February 20, 2023
“Të paktën tre persona kanë humbur jetën dhe 213 të plagosur pas dy tërmeteve të reja në provincën jugore Hatay”, pohoi ai.
Ministri njoftoi se përpjekjet e kërkim-shpëtimit janë duke u zhvilluar në tre vende pas tërmeteve të reja në Hatay.
Lexo po ashtu:
Theksojmë se në disa prej spitaleve kanë nisur evakuimin e pacientëve pasi frikësohen se ndërtesat do të shemben.
Ndryshe, tërmetet e 6 shkurtit kanë shkaktuar vdekjen e mbi 41 mijë personave në Turqi.
Lexo po ashtu:
