Një zjarr në një ndërtesë nëntëkatëshe në kryeqytetin e Vietnamit, Hanoi, ka lënë të vdekur të paktën 56 persona, përfshirë dhjetë fëmijë, dhe të paktën 37 të lënduar.
Zjarri filloi pak para mesnatës në një ndërtesë ku banonin rreth 150 persona.
Zjarrfikësit i shuan flakët, por vendndodhja e ndërtesës në fund të një rrugice të ngushtë e bëri të vështirë operacionin e shpëtimit.
Dhjetëra njerëz mbetën të bllokuar në ndërtesë deri pas agimit, kanë njoftuar mediat shtetërore.
Shumë nga dhjetëra banorë që po trajtoheshin në spitale patën probleme me frymëmarrje dhe kishin lëndime që kishin marrë gjatë përpjekjeve të dëshpëruara për të shpëtuar.
