Deputeti nga radhët e Lëvizjes VETËVENDOSJE!, Armend Muja që njëherit është edhe Kryetar i Komisionit Parlamentar për Buxhet, Punë dhe Transfere duke iu referuar të dhënave nga Ministria e Financave ka publikuar kontributet e biznesve përmes tatimit në fitim (TAK) në periudhën Janar-Qershor nga viti 2012 deri në vitin 2022.
Nga të dhënat e publikuara, tatimi në fitim i biznesve në buxhetin shtetëror gjatë periudhës Janar-Qershor 2022 është dukshëm më i lartë krahasuar me vitet e tjera , por edhe shënon rritjen më të madhe nga viti në vit.
Tatimi në fitim i biznesve në buxhetin shtetëror (janar-qershor 2012-2022) – ndërmjet janar-qershor 2022 është rreth 92 milionë euro në buxhetin e Kosovës, dyfishi krahasuar me 2012-2020. Sipas deputetit Muja, pagesa e tatimit është e lidhur ngushtë me besimin në institucione.
Postimi i plotë i deputetit Muja:
Tatimi në fitim i biznesve në buxhetin shtetëror (janar-qershor 2012-2022) – ndërmjet janar-qershor 2022 bizneset kanë kontribuar rreth 92 milionë euro në buxhetin e Kosovës, dyfishi krahasuar me 2012-2020. Kontributet janë rritur ndjeshëm gjatë 2021-2022, pas ardhjes së Qeverisë Kurti. Pagesa e tatimit është e lidhur ngushtë me besimin në institucione. Ky fitim rekord i bizneseve duhet shpërndahet edhe tek punëtorët – kontrata dhe rroga më të larta për punëtorët e sektorit privat./Kosovanews/
