SHBA-ja dhe Kina janë pajtuar që të rikthejnë komunikimet mes ushtrive, në përpjekje për të qetësuar tensionet në rritje, ka thënë presidenti Joe Biden.
“Jemi kthyer te komunikimet e drejtpërdrejta, të hapura dhe të qarta”, ka thënë Biden pas një takimi të rrallë me presidentin kinez, Xi Jinping, në Kaliforni të mërkurën.
Ishte hera e parë që ata janë takuar në më shumë se një vit.
Bideni ka shtuar se liderët janë pajtuar të vendosin një linjë direkte të komunikimit mes të dyve, raportoi BBC.
Ai ka theksuar se mungesa e komunikimit është arsyeja “pse aksidentet ndodhin”.
Kina ndërpreu komunikimet ushtarake vitin e kaluar pasi zëdhënësja e Shtëpisë së Bardhë, Nancy Pelosi, vizitoi Tajvanin. Pekini e sheh Tajvanin si territor të vetin dhe e ka kërcënuar me aneksim.
