Mbështetja e opozitës për zbatimin e marrëveshjes në mes Republikës së Kosovës dhe Serbisë ishte temë diskutimi në mes Kryetarit të Partisë Demokratike të Kosovës (PDK), Memli Krasniqi, Shefit të Zyrës së Bashkimit Evropian në Kosovë, Tomas Szunyog dhe deputetit, Abelard Tahiri.
Me anë të një postimi në Twitter, Szunyog ka bërë të ditur se takimi është zhvilluar të premten.
“U takova sot me Memli Krasniqin dhe Abelard Tahirin për të diskutuar mbështetjen e opozitës për zbatimin e menjëhershëm të Marrëveshjes në rrugën e normalizimit mes Kosovës dhe funksionimin efektiv të Kuvendit të Kosovës”, ka shkruar Szunyog.
Met today with #PDK's @MemliKrasniqi & Abelard Tahiri to discuss the opposition's support for the immediate implementation of the Agreement on the path to normalisation between ??#Kosovo & ??#Serbia➡️ https://t.co/HX99PkG81R, and the effective functioning of the ?? Assembly. pic.twitter.com/XmVaqTly7K
— Ambassador Tomáš Szunyog (@EUAmbKS) March 21, 2023
Kryetari i Partisë Demokratike të Kosovës, Memli Krasniqi, teksa e ka komentuar raportin e Departamentit Amerikan të Shtetit për Kosovën, ka thënë se ky i fundit shpërfaq dështimin e Qeverisë Kurti për të ndërtuar institucione kredibile, të përgjegjshme dhe të pakorruptuara në njërën anë, dhe në anën tjetër, dështimin për krijuar një ambient ku vajzat dhe gratë janë të sigurta.
Për marrëveshjen e Ohrit, Krasniqi kishte deklaruar se një marrëveshje pa njohje reciproke, e përqendruar në një asociacion të avancuar e autonomi politike për komunitetin serb dhe pa garanci për integrimin euro-atlantik të Kosovës është dështim i madh politik e kombëtar, të cilin do ta paguajmë shtrenjtë dhe gjatë.
