Ministri i Punëve të Brendshme, Xhelal Sveçla, ka thënë se Policia e Kosovës ka mandat dhe detyrë ofrimin e sigurisë, garantimin e rendit dhe sundimin e ligjit. Sipas ministrit, ditët e fundit, pas sulmeve të armatosura ndaj zyrtarëve policorë dhe qytetarëve në veri, është shtuar numri i policëve, të cilët do të ofrojnë siguri për të gjithë qytetarët e vendit.
“Ditëve të fundit, pas sulmeve të njëpasnjëshme të armatosura ndaj zyrtarëve policor♪ë dhe qytetarëve në veri të vendit, rritja e prezencës policore me qëllim të ofrimit të sigurisë për të gjithë qytetarët është vlerësuar e domosdoshme”, ka thënë Sveçla.
Sipas njoftimit tashmë zyrtarë të Policisë së Kosovës, sot është shtuar prezenca e policisë së rendit në veri të vendit.
“Lusim të gjithë qytetarët të ruajnë qetësinë dhe të bashkëpunojnë me Policinë e Kosovës, të cilët janë duke u angazhuar për rend dhe siguri për të gjithë qytetarët, pa asnjë dallim”, ka bërë thirrje ministri Sveçla.
