Ministri në detyrë i Punëve të Brendshme, z. Xhelal Sveçla, priti sot në takim Ambasadorin Gerard McGurk, i cili ka marrë detyrën si Shef i ri i Misionit të OSBE-së në Kosovë.
Gjatë takimit u diskutua për bashkëpunimin e deritanishëm ndërmjet MPB-së dhe OSBE-së, si dhe për mundësitë e thellimit të këtij bashkëpunimi në fushat e sundimit të ligjit, sigurisë publike dhe të drejtave të njeriut. Me këtë rast, ministri në detyrë Sveçla falënderoi Ambasadorin McGurk për mbështetjen e vazhdueshme që OSBE-ja ka ofruar.
Ai i uroi suksese Ambasadorit McGurk në detyrën e re dhe shprehu gatishmërinë për bashkëpunim të vazhdueshëm, me qëllim të forcimit të mëtejmë të institucioneve që shërbejnë për të gjithë qytetarët e Republikës së Kosovës.
