Ministri i Punëve të Brendshme, Xhelal Sveçla po merr pjesë në punimet dy ditore të Ministerialit të Katërt të Procesit të Pragës “Partneriteti i Migracionit – Rruga përpara në kohë sfidash të reja” i cili po mbahet në Pragë, transmeton KosovaNews.
Përmes një postimi në facebook, ministri Sveçla ka njoftuar se me të pranishmit ka ndarë rezultatet që Republika e Kosovës ka shënuar në fushën e menaxhimit dhe luftimit të migracionit të paligjshëm, në përputhje me standardet ndërkombëtare si në fushën e zhvillimit të politikave, po ashtu dhe në luftimin e kontrabandës me migrant, ku vetëm këtë vit Policia e Kosovës ka arrestuar 50 persona dhe ka identifikuar 288 viktima.
Gjithashtu, në adresimin e tij, Sveçla ka njoftuar se ka theksuar angazhimin e Kosovës në rritjen e efikasitetit të kontrollit dhe mbikëqyrjes së vijës kufitare me qëllim të rritjes së sigurisë në përgjithësi si dhe parandalimit dhe luftimit të të gjitha llojeve të veprimtarive ilegale që bëhen përgjatë kufirit.
‘Gjatë këtij takimi diskutuam dhe për ndikimin e luftës në Ukrainë si pasojë e agresionit rus, ku theksova se përkundër që për shkak të pozitës gjeografike, gjendja e migrimit të Kosovës nuk preket në shkallë të gjerë nga lufta në Ukrainë, megjithatë, theksova se Qeveria e Kosovës ka treguar gatishmërinë e saj për të strehuar 5,000 refugjatë të Ukrainës si dhe Parlamenti i Kosovës ka miratuar rezolutën e cila dënon ashpër agresionin e paligjshëm, të padrejtë dhe të paprovokuar dhe pushtimin e Ukrainës nga Rusia.”, ka shkruar Sveçla
Ai ka thënë se në fund, ka kërkuar që për kontroll të efektshëm të kufirit, sidomos të vijës kufitare të gjelbërt, nevoja për mbështetje me pajisje moderne si dhe mbështetje në zgjerimin e bashkëpunimit me organizatat rajonale dhe ndërkombëtare të tilla si FROTNEX, EUROPOL, INTERPOL është më se e nevojshme.
Postimi i Plotë
