Ministri i Punëve të Brendshme, Xhelal Sveçla, priti sot në takim Sekretarin e Përgjithshëm të Organizatës Botërore të Doganave, Kunio Mikuriya.
Sveçla njoftoi se bashkë prezantuan arritjet në fushën e sigurisë e me theks të veçantë angazhimet kufitare që i kontribuojnë synimeve në luftën ndaj kontrabandës dhe migrimit ilegal.
Tutje ai tha se Qendra Kombëtare për Menaxhim Kufitar prezantoi angazhimet e saj dhe koordinimin ndër-institucional që bëhet përmes saj, me qëllim të kontrollit dhe mbikqyrjes sa më efikase të kufirit.
Ministri Sveçla falënderoi Mikuriyan për vizitën, për vlerësimin e angazhimeve tona dhe për mbështetjen e ofruar me qëllim të rritjes së kapaciteteve si dhe forcimit të bashkëpunimit që ndihmon institucionet e Kosovës të jenë sa më efikase në detyrat e tyre.
