Superliga e Kosovës në futboll, do të vazhdojë sot pasdite, ku do të luhen tri ndeshjet e fundit të javës së 30-të.
Sfida kryesore do të zhvillohet në Suharekë, ku Ballkani përballet me Trepçën ’89, ndeshje në të cilën pikët janë tejet të rëndësishme.
Kamponit në fuqi bashkë me Dritën po ‘luftojnë’ për titull të kampionit, derisa ‘Minatorët’ janë në garë për të siguruar ekzistencën në elitën e futbollit tonë.
Llapi-Dukagjini, ndeshje që luhet në ‘Zahir Pajaziti’, është një tjetër duel i rëndësishëm për të dy skuadrat, derisa në ballafaqimin tjetër Gjilani kërkon pikët e plota kundër Drenicës, kjo e fundit thuaj se është pa gjasa për të siguruar mbijetesën në Superligën tonë.
Superliga /Java e 30-të
Sot takohen:
Ballkani-Trepça ‘89
Gjilani-Drenica
Llapi-Dukagjini
