Një rast i organizimit të skemave piramidale është raportuar dje në stacionin policor në Suharekë.
Sipas raportit të Policisë së Kosovës, bëhet e ditur se është shoqëruar në polici i dyshuari mashkull kosovar, nën dyshimin se përmes rrjetit online në telefonin e tij ka zhvilluar lojëra të fatit.
Rasti raportohet të ketë ndodhur dje rreth orës 11:00 në fshatin Samadrexhë të Suharekës.
Me vendim të prokurorit i dyshuari është liruar, ndërsa telefoni i është sekuestruar si provë materiale.
“ORGANIZIM I SKEMAVE PIRAMIDALE / Fsh. Samadrexhë, Suharekë, 15.07.2022 – 11:00. Është shoqëruar në polici i dyshuari mashkull kosovar, nën dyshimin se përmes rrjetit Online në telefonin e tij ka zhvilluar lojëra të fatit. Me vendim të prokurorit, i dyshuari është liruar ndërsa telefoni i është sekuestruar si provë materiale”, thuhet në raportin e PK-së./SuharekaOnline/
