Deputetja e Listës Guxo, Jeta Statovci ka reaguar ndaj nënkryetares së PDK-së, Vlora Çitaku e cila tha se presidentja, Vjosa Osmani i ka gjetë të gatshëm kufijtë e Kosovës.
Sipas Statovcit Vlora e paska një farë të drejte që t’i ngushtojë këta kufijë kur e vlerëson ajo.
Deputetja tutje thotë se mbase këtu është edhe shkaku i gjithë atij angazhimi të Vlorës në Washington sa ishte ambasadore, për të ja cunguar kufijtë Kosovës apo siç atëherë thuhej, për t’ia kthyer dhuratat Rankoviçit.
Debati nisi nga dita e djeshme kur Çitaku tha se presidentja, Osmani nuk po reagon për vërshimet. I menjëhershëm ishte reagimi i presidences ku ia sqaroi Çitakut angazhimin e Osmanit në të mirën e qytetarëve
Postimi i plotë i Statovcit:
“E dëgjuam edhe ambasadoren e ndarjes teksa na mbajti fjalë për kufijtë e Republikës së Kosovës. “Presidentja Osmani i ka gjetë të gatshëm kufijtë e Republikës”, paska thënë Vlora.
E po kjo qartazi fsheh pas vetës bindjen se Vlora, na e paska një farë të drejte që t’i ngushtojë këta kufijë kur e vlerëson ajo. Mbase këtu e gjejmë edhe shkakun e gjithë atij angazhimi të Vlorës në Ëashington sa ishte ambasadore, për të ja cunguar kufijtë Kosovës apo siç atëherë thuhej, për t’ja kthyer dhuratat Rankoviçit”, shkroi Statovci në Facebook.
