Agjencia e Statistikës së Kosovës/Divizioni i Statistikave të Popullsisë ka publikuar të dhënat preliminare në baza mujore për Lindjet, Vdekjet , Kurorëzimet dhe Shkurorëzimet për muajin Prill 2022. Këto të dhëna publikohen duke u bazuar në të dhëna administrative ndërsa burimi i të dhënave është Agjencia për Regjistrim Civil e Kosovës, gjegjësisht Zyrat e Gjendjeve Civile
Duke u bazuar në dhënat administrative për muajin Prill janë regjistruar 2043 lindje të ndodhura në Kosovë dhe jashtë Kosovës, prej tyre meshkuj 1022 dhe femra 1021. Krahasuar me muajin Mars 2022 kemi rrënje të numrit të lindjeve për (-4.2%).
Sa i përket vdekjeve në Kosovë dhe jashtë Kosovës janë regjistruar 834 raste të vdekjeve, prej tyre meshkuj 456 dhe femra 378 raste. Krahasuar me muajin Mars 2022 kemi rrënje të numrit të personave të vdekur për (-3.8%).
Kurorëzimet e ndodhura në Kosovë dhe jashtë Kosovës për muajin Prill janë 1266 raste,krahasuar me muajin Mars kemi rrënje të numrit të çifteve të kurorëzuara për (-12.2%). Ndërsa sa i përket shkurorëzimeve të ndodhura në Kosovë për muajin Prill janë 136 raste, krahasuar me muajin Mars kemi rritje të numrit të çifteve të shkurorëzuarve për (32.0%).
