Zyra e Prokurorit të Specializuar, është duke kryer edhe sot bastisje që ndërlidhen me proceset gjyqësore që po zhvillohen në Hagë.
Mëngjesin e së mërkurës, Gjykata Speciale e ka bastisur edhe shtëpinë e Ismail Sylës, ish-këshilltar i ish-presidentit Hashim Thaçi, raporton rtk.
Të martën është bastisur shtëpia e ish-këshilltarit tjetër të ish-presidentit, Hashim Thaçi, Artan Behrami.
Kurse gjatë të hënës nga ZPS-ja u bastisen shtëpitë e Blerim Shalës dhe Bashkim Smakajt, i cili ka qenë edhe shef i Agjencisë së Kosovës për Inteligjencë (AKI).
