Autoritetet spanjolle kanë ngritur alarmin për mafien shqiptare, ku shprehen se grupet kriminale kanë arritur deri në atë pikë sa të kontrollojnë pjesën më të madhe të trafikut të drogës në vend.
Në një artikull të mediave spanjolle thuhet se mafia shqiptare zbarkoi në Spanjë në vitet 1990, ku fillimisht u njoh për trafikim të qenieve njerëzore dhe heroinës.
Megjithatë me kalimin e viteve këto organizata të rrezikshme kriminale pjesë e së cilës ishin nga Shqipëria dhe Kosova janë sofistikuar dhe shtrirë thuajse në të gjithë territorin duke u bërë mbretërit e trafikut të drogës jo vetëm në Spanjë, por edhe në Britani apo Ekuador.
Policia në Spanjë ka thënë se bandat shqiptare kanë ngritur plantacione kudo, investimi që bëjnë është shumë i vogël, por fitimi i tyre është i menjëhershëm. Gjithashtu autoritetet paralajmërojnë edhe rrezikun e këtyre organizatave që kanë marrë nën kontroll trafikun e marijuanës në vend. Fillimisht ishte heroina, pastaj kokaina, dhe tani kanë shtuar kultivimin dhe trafikimin e marijuanës.
“Deri më tani, klanet shqiptare të pranishme në Spanjë kanë vepruar shumë më diskrete në krahasim me mafiozët e tjerë ndërkombëtarë. Ata që janë të përkushtuar ndaj trafikut të drogës mbajnë një profil të ulët, edhe pse janë shumë të dhunshëm, zakonisht nuk e shfaqin në publik. Në këtë mënyrë, ata mund të kalojnë pa u vënë re për të vazhduar prodhimin e marijuanës në një shkallë të gjerë dhe më pas ta prezantojnë atë në Evropë”, raportojnë mediatspanjolle.
Klanet shqiptare thuhet se kanë fituar besimin e të gjitha organizatave kriminale ndërkombëtare. Këtë e kanë arritur kryesisht për shkak të frikës që ngjallin. Megjithatë, këto banda janë goditur vazhdimisht nga Forcat dhe Trupat e Sigurisë së Shtetit dhe çdo javë ka operacione antidrogë me të arrestuar me origjinë shqiptare.
Metoda e saj e prodhimit në shkallë të gjerë përfshin plantacione të mëdha, të vendosura normalisht në magazina industriale ose shtëpi. Në të njëjtën kohë, për mbarëvajtjen e të korrave, dhe garantimin e një korrje të mirë, bosët shqiptarë shfrytëzojnë bashkatdhetarët që mbërrijnë në Spanjë me leje qëndrimi të përkohshme (90 ditë).
Më pas mbyllen në plantacione për të kryer funksionet e “kopshtarit”, ku nuk mund të largohen nga ambientet dhe jetojnë të shfrytëzuara duke kultivuar dhe monitoruar drogën, derisa të mbarojë leja dhe të kthehen, shpresojmë në vendin e tyre. Mirëpo gjatë ditëve të punës në plantacion nuk kanë asnjë kontakt me jashtë.
