Sot do të mbajnë mbledhje dy komisionet hetimore të energjisë të themeluara nga Kuvendi i Kosovës.
Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës nga ora 10:00, do të fillojë më intervistimin e Ermal Kocit – kryeshef Financiar në KESCO dhe më pas intervistimin e Alpin Doganit – kryeshef Ekzekutiv i KEDS-it.
Deri më tani ky komision ka mbajtur disa mbledhje dhe ka intervistuar disa persona.
Kurse Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike, më fillim në ora 11:00, do të fillojë intervistimin e dëshmitarëve që kanë udhëhequr prokurimin në KEK për periudhën 2006-2008.
Do të intervistohen Ymer Dragusha, Argjent Këpuska dhe Njazi Thaçi.
Ndryshe ky komision deri tani ka mbajtur disa mbledhje.
