Dy pikat e kalimit kufitar në veri të Kosovës vazhdojnë të mbesin të mbyllura që nga e diela kur grupi terrorist serbë vrau rreshterin Afrim Bunjaku.
Bërnjaku dhe Jarinja nuk lejojnë hyrje-daljet e qytetarëve deri në një vendim të ri të autoriteteve kosovare.
Mirëpo për dallim nga këto dy pika, qarkullimi në Merdare, pikë kjo që lidh Kosovën e Serbinë, vazhdon të rrjedhë normalisht.
Sulmi i armatosur në Banjskë të Zveçanit solli edhe më shumë forca speciale të policisë së Kosovës në pjesën veriore të vendit.
