Ministria e Shëndetësisë ka njoftuar se në 24 orët e fundit janë shënuar 203 raste të reja me COVID-19 në Kosovë, ndërsa fatmirësisht nuk ka viktima nga koronavirusi.
Sipas MSh-së, gjatë 24 orëve të fundit u shëruan 997 pacientë, derisa u vaksinuan 55 persona.
Tashmë numri total i rasteve aktive është 2.549.
E deri tani janë mbi 904 mijë banorë që kanë marrë dozën e parë të vaksinës kundër COVID-19, mbi 824 mijë të dyja dozat, ndërsa edhe të tretën mbi 104 mijë.
Prej raportimit të rasteve të para me koronavirus, në mars të vitit 2020, autoritetet shëndetësore në Kosovë kanë regjistruar mbi 3 mijë vdekje.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020./KosovaNews/
