Vizita e kryeministrit të Republikës së Kosovës, Albin Kurti, në veri të vendit, i pengoi Qeverisë së Serbisë. E ashtuquajtura Zyre për Kosovën, e udhëhequr nga Petkoviq, ka dalë me një deklaratë për këtë vizitë.
Ai ka krahasuar vizitën e Kurtit me atë të kryeministres së Serbisë, Ana Bërnabiq, ditë më parë.
Sipas tyre, shkuarja e Kurtit në veri lidhet me “suksesin e vizitës së kryeministres Ana Brnabiq”.
“Vetëm se Ana Brnabiq u prit me entuziazëm nga mijëra serbë, ndërsa Kurti duhej të bënte fshehurazi dhe fshehurazi veriun e krahinës sonë, në mënyrë që ndonjë serb të mos e takonte rastësisht dhe të vetmit që e pritën ishin anëtarë të Rosu”, ka thënë Petkoviq.
Ai tha se Kurti nuk ka çfarë të kërkojë në veri të Kosovës.
“… dhe kjo tregon më së miri se sa Kurti nuk ka asgjë për të kërkuar në veri të krahinës dhe se qëllimi i tij i vetëm është të shkaktojë tensione, provokime dhe destabilitet, së bashku me një dëshirë obsesive për të filmuar për rrjetet sociale, theksoi ai.
Vizitën e tij gjatë ditës së martë, kryeministri Kurti e njoftoi në mbrëmje. Pos komunikatës nga Qeveria, Kurti në Facebook publikoi edhe një video të vizitës së përbashkët me Sveçlën.
