Strukturat kriminale të dirigjuara nga Beogradi po vazhdojnë të provokojnë sërish situtaën. Sot një afishe tjetër është vendosur në gjuhën serbe në veri.
“Këtu jemi! Po presim!” e shkruar me të mëdha është vendosur në vendin ku ishte vrarë Enver Zymberi, pjesëtar i forcave speciale të Policisë së Kosovës.
Tri ditë më parë, 6 shtator, kryeministri Albin Kurti vizitoi këtë vend si dhe vizitoi bazën e Policisë së Kosovës në Zubin Potok e kampin Belvedere në Mitrovicë.
Por, vizitën e tij nuk e pritën mirë serbët, sidomos ata që janë nën ndikimin e dirigjimin e Serbisë.
Drejtori i të ashtuquajturës zyrë për Kosovën në Qeverinë e Serbisë, Petar Petkoviq, ka thënë se kryeministri i Kosovës, Albin Kurti, “nuk ka çfarë të kërkojë në veri të Kosovës”,
Sipas Petkoviqit, ky ishte qëllim “për tensione e pasiguri”.
Në veri janë shfaqur afishe në gjuhën serbe kohëve të fundit që nga tensionet mbi vendimet e Qeverisë së Kosovës për targat dhe dokumentet.
Vizitën e tij gjatë ditës së martë, kryeministri Albin Kurti e njoftoi në mbrëmje. Pos komunikatës nga Qeveria, Kurti në Facebook publikoi edhe një video të vizitës së përbashkët me Xhelal Sveçlën.
