Një tentim-grabitjeje ka ndodhur sot paradite tek banka TEB në Çagllavicë.
Këtë e ka konfirmuar zëdhënësi i policisë për rajonin e Prishtinës, Agron Borovci, transmeton KosovaNews.
“Rreth orës 10:45 është raportuar për një grabitje në tentative të ndodhur në filialin e një institucioni financiar në Çagllavicë të komunës së Prishtinës. Pas marrjes së informacionit policia ka dalë në vendngjarje dhe bazuar në të dhënat e para janë ngritur dyshimet se në këtë tentativë grabitjeje kanë marrë pjesë tre të dyshuar të cilët më pas kanë ikur nga vendi i ngjarjes. Deri më tani nuk raportohet për persona të lënduar”, deklaroi Borovci.