Pak më parë, KosovaNews raportoi se Policia e Kosovës, njësia nga Drejtoria për Hetimin e Krimeve Ekonomike dhe Korrupsionit ka arrestuar një avokat nën dyshimin për përfshirje në veprën penale ‘ushtrim i ndikimit’
KosovaNews mëson se avokati në fjalë është Hamdi Jashari (1985) nga Gjilani, po ashtu bëhet e ditur se i njëjti ka pranuar nga pala 8 mijë euro duke i premtuar se do të ndikojë te gjyqtarët për ta trajtuar një rast.
Theksojmë se hetuesit policor gjatë hulumtimit të këtij rasti kanë gjetur prova në të cilat faktohet se avokati është i përfshirë në këtë ngjarje.
Rasti po trajtohet nga Gjykata Themelore në Gjilan.
Pas prezantimit të provave, me urdhër të prokurorit i dyshuari është dërguar në mbajtje për 48 orë.
Drejtoria për Hetimin e Krimeve Ekonomike dhe Korrupsionit e cila vepron në kuadër të Policisë së Kosovës kohëve të fundit ka intensifikuar luftën kundër krimit të organizuar dhe korrupsionit duke vënë i vënë nën pranga dhjetëra persona duke përfshirë edhe zyrtarë shtetërorë nën akuzën për vepra të ndryshme penale.
