Ministria e Mbrojtjes së Republikës së Kosovës prej sot e deri më 23 qershor e ka hapur konkursin për rekrutimin e disa kadetëve të rinj për vitin akademik 2022/2023, të cilët do të ndjekin shkollimin për oficer në Republikën e Shqipërisë.
Ky konkurs është i jashtëm dhe sipas njoftimit të Ministrisë së Mbrojtjes, kësaj radhe për shkollim në Shqipëri do të dërgojnë 5 persona.
“Forca e Sigurisë së Kosovës bën pranimin e kandidatëve të cilët do të studiojnë në Republikën e Shqipërisë: Shkollim për Oficer në Akademinë e Forcave të Armatosura – pesë (5) kadetë.”, bëhet e ditur nga MB, raporton Kosovanews..
Ministria e Mbrojtjes, shpall këtë konkurs pas shpalljes së konkursit për përzgjedhjen e kadetëve për studime në Akademinë tonë të Mbrojtjes, të Turqisë, Kroacisë dhe Maqedonisë së Veriut.
“Prandaj, ftojmë të rinjtë e të rejat e vendit pa dallim, të aplikojnë duke ju garantuar proces të drejtë dhe transparent gjatë gjithë procesit të testimit dhe përzgjedhjes. Forca e Sigurisë së Kosovës është Ushtria jonë me mision të shenjtë, prandaj do të përzgjidhen vetëm më të mirët nga më të mirët:, theksohet nga MB.
Tutje sqarohet se kandidati që aplikon për shkollim në Akademinë e Forcave të Armatosura të Republikës së Shqipërisë duhet të mos ketë aktualisht statusin e kadetit të FSK-së në qendrat e studimeve ushtarake brenda apo jashtë vendit.
Po ashtu, kandidati duhet të ketë diplomën e shkollës së mesme, të jetë i moshës 18 – 21 vjeçare në datën e aplikimit, si dhe të ketë gjatësi trupore jo më pak se 165 cm për meshkuj dhe 160 cm për femra;
“Kandidati të mos kenë tatuazhe në fytyrë, qafë dhe parakrah nga pjesa e bicepsit e deri te gishtat e dorës duke përfshirë edhe pirsingun (Në rast përzgjedhjeje, kandidatët janë të obliguar të bëjnë heqjen e tyre paraprakisht deri ne fillimin e shkollimit për kadet, në të kundërtën do të diskualifikohen)”, thuhet nga Ministria e Mbrojtjes, raporton KosovaNews.
Mes tjerash duhet plotësuar edhe këto kritere:
· Të mos jetë i martuar (kriter i shtetit pritës);
· Të mos këtë asnjë masë disiplinore.
Testet që aplikohen për shkollim në Akademinë e Forcave të Armatosura të Republikës së Shqipërisë:
· Testi fizik;
· Testi i inteligjencies;
· Testi i njohurive të përgjithshme;
· Intervista;
· Kontrolli mjekësor.
Dokumentet e nevojshme për aplikim:
· Diploma e shkollës së mesme (nëse është mbaruar jashtë vendit të jetë e nostrifikuar nga Ministria e Arsimit);
· Certifikata nga Gjykata dhe Policia e Kosovës për të kaluarën e tyre penale (origjinali dhe jo me e vjetër se 6 muaj);
· Ekstrakti i lindjes (jo me e vjetër se 6 muaj);
· Kopja e letërnjoftimit apo pasaportës;
· Dy fotografi portret të formatit (5 cm x 5 cm).
Afati për aplikim: 09.06.2022 deri më 23.06.2022
Më gjerësisht rreth kritereve dhe detajeve të nevojshme të konkursit mund t’i gjeni në linkun në vijim:
