Policia e Kosovës konkretisht Drejtoria Rajonale e Policisë Kufitare Lindje në orët e mbrëmjes ka kapur sasi të mëdha të ilaqeve të cilat po hynin kontrabandë nga Maqedonia Veriore. KosovNeës ka siguruar disa fotografi të ilaçeve të kontrabanduara të cilat janë kapur nga ana e policisë. Në bazë të fotografive shihet se shumica ilaçeve të kontabanduara janë “Viagra” të cilat po vinin nga Turqia.
Policia e Kosovës, Drejtoria Rajonale e Policisë Kufitare Lindje, në zbatim të masave për parandalim dhe luftimin e paligjshmërisë dhe kontrabandës, kanë intensifikuar kontrollet taktike dhe operacioneve në teren.
Njësia për mbikëqyrje e kufirit nga SPMK-Zhegër në bashkëpunim me njësinë e Task Forcës -DRPK- Lindjes pas pranimit të informatave nga tereni për lëvizje të dyshimta në brezin kufitar kanë ndërmarr masa të nevojshme operativo-taktike duke bërë prita dhe kontrolle në rrugët e brezit kufitar dhe rrugët dytësorë RMV-RKS në zonën e Vitisë .
“Më datën 21.12.2022 rreth orës 19:30 nga njësia ” e SPMK-Zhegër ” ne rrugen Binqë –Viti është tentuar te ndalet një veture me Vë-Golf IV (caravan)ngjyre e kaltër me targa vendore 06-958-DK per te cilën kishte informatë se mundë te jete duke kontrabanduar mallra të ndryshme nga RMV-RKS .
Drejtuesi i veturës se dyshuar nuk është ndaluar në shenjen e zyrtarëve policore te cilët kanë sinjalizuar me drite vezulluese për ndalje duke vazhduar (ikur) ne drejtim te Vitisë ,ku ne një rruge dytësore ne dalje te Vitisë (në ara ) i dyshuari ka arrit ta braktisë veturën dhe ka ikur ne drejtim te pa njohur.
Gjatë kontrollit të automjetit është parë se kishte të ngarkuar një sasi te konsiderueshme te barnave te llojeve te ndryshme.
Te gjitha medikamentet sipas mbishkrimeve janë me prejardhje nga Turqia, te cilat janë kontrabanduar nga Maqedonia veriore përmes fsh. Tanush-RMV duke kaluar ilegalisht në fsh. Mjak-Viti-RKS.
Pas verifikimit të targave të automjetit të dyshuar është vërtetuar se targat i përkasin një automjetit tjetër i cili nga viti 2019 nuk ishte i regjistruar, i dyshuari ka përdorur targa te automjetit tjetër për të kryer kontrabandimin e mallrave.
Për të gjitha këto veprime është njoftuar edhe prokurori kujdestare i shtetit e cila ka urdhëruar që rasti te iniciohet ‘Kontrabandë me mallra’ , automjeti se bashku me mallin(medikamentet) te sekuestrohet dhe dërgohet në terminalin doganorë –Dheu i Bardhë. Rasti është duke u trajtuar nga njësitë përkatëse policore nga Drejtoria Rajonale Kufitare Lindje ne bashkëpunim me prokurorinë e shtetit .thuhet në komunikatën e Policisë.
