Në drejtim të pikës kufitare në Jarinjë janë dërguar ekipe shtesë të Policisë së Kosovës.
Kjo pasi Policia e Kosovës ka informacione se aty mund të ketë protestë.
Sipas Policisë së Kosovës mund të ketë një grup të motoristëve që mund të mblidhen para pikës kufitare.
Kështu tha zëvendësdrejtori i Policisë për rajonin e Mitrovicës së Veriut, Veton Elshani.
“Kemi nis njësite të mjaftueshme policore në rast se ka ndonjë problem ose vjen dikush me protestu, me ndërhy ose diçka, ka gjasa me pas protestë ose hyrje në Kosovë, i kemi disa informata për disa biçiklista, motoçiklista që po e quajnë vetën ata” – ka thënë Elshani.
