Një avion turistik me dy vende që u largua nga Pavullo nel Frignano (Modena) dhe u nis për në Francë, ka humbur në Apenine. Në bord ndodheshin tre persona me kombësi franceze. Mediat italaine bëjnë të ditur se sinjali i fundit i radarit e gjeti atë në zonën Sassalbo, komuna e Fivizzano, në provincën e Massa Carrara. Zona e identifikuar për kërkimin është në territoret midis Reggio Emilia, Parma dhe Massa Carrara. Dukshmëria për shkak të mjegullës është rreth 20 metra, ndërsa moti i keq që ka mbërthyer Emilia-Romagna nuk lejon fluturimin e avionëve rajonalë të shpëtimit malor, shkruan A2.
Kushtet e motit po përkeqësohen në Emilia-Romagna dhe alarmi shkon nga portokallia në të kuqe për të gjithë nesër deri në mesnatën e 20 shtatorit.
Zona po rijeton makthin e përmbytjes me reshjet e vazhdueshme, të përhapura në të gjithë territorin, që nuk pritet të zbuten deri në pasditen e nesërme dhe rrezikohet të shkaktojnë rrëshqitje dherash dhe përmbytje rrugësh, raporton A2.
Nesër, më 19 shtator, shkollat do të qëndrojnë të mbyllura në katër provincat Emilia-Romagna të prekura nga alarmi i kuq: Bologna, Forlì-Cesena, Rimini, Ravenna. Çdo komunë do të nxjerrë një urdhëresë specifike, e cila do të prekë të gjitha shkollat nga shkolla fillore e lart. Mund të ketë dallime për çerdhet dhe kopshtet.
“Ajo që ne po përpiqemi të zbatojmë janë sjelljet më të mira për popullatën tonë: shmangia e të gjitha udhëtimeve në këtë kohë besojmë se është gjëja më e mirë”, tha presidentja në detyrë e Rajonit Emilia-Romagna, Irene Priolo.
Vala e motit të keq nuk ndalet edhe në Kampania nuk ndalet. Mbrojtja Civile ka zgjatur edhe njëherë alarmin aktual të verdhë të motit për shtrëngata për 24 orë të tjera, deri në orën 6 të mëngjesit të së premtes, 20 shtator. Sipas parashikimit, stuhitë do të jenë të papritura, por intensive në shkallë lokale dhe mund të shoqërohen me breshër, rrufe dhe erë të fortë.
