Shërbimi Spitalor Klinik dhe Universitar i Kosovës (SHSKUK) ka njoftuar se është kërcënuar drejtoresha e Klinikës së Neonatoligjisë, Hajrije Ismaili.
Sipas njoftimit të SHSKUK-së ajo është kërcënuar derisa po mbante kujdestarinë e rregullt dhe po ofronte kujdes për foshnjat e porsalindura, në kuadër të Klinikës së Neonatoligjisë.
“Kërcënimi ka ndodhur nga axha i një foshnje, e cila është duke u trajtuar në klinikë. Sipas rregullit të klinikës, të drejtë në informatë kanë vetëm nënat dhe baballarët, çdo ditë nga ora 12:00 deri në 13:00. ShSKUK dënon kërcënimin ndaj drejtoreshës Ismaili, duke kërkuar nga organet kompetente të ndërmarrin masa ndaj kërcënuesit”, thuhet në njoftimin e ShSKUK-së.
