Shqipëria ka arritur që me përmbysje të rezultatit ta mposhtë Ukrainën me shifrat 2-1 në duelin që u zhvillua në Çeki në kuadër të edicionit të ri të Ligës së Kombeve.
Rasti i parë për gol në këtë sfidë i takoi pikërisht Shqipërisë të cilët në minutën e nëntë iu afruan golit me anë të Qazim Laçit.
Një tjetër mundësi të mirë shënimi e pati edhe sulmuesi Rey Manaj i cili në minutën e 28-të gjuajti jashtë portës.
Në skenë për Shqipërinë doli sërish Qazim Laçi i cili një harkim fantastik të Nedim Bajramit në minutën e 31-të nuk arriti që ta finalizojë me gol.
Teksa po i afroheshim fundit të pjesës së parë, Shqipëria po shtonte përpjekjet për gol duke rrezikuar në dy raste me anë të Kristjan Asllanit dhe Qazim Laçit i cili sot po duket i disponuar për lojë.
Asllani në minutën e 37-të pati një gjuajtje të rrezikshme brenda zonës por portieri Trubin ia mohoi golin, ndërsa Laçi me stil u mundua që ta tund rrjetën por fatkeqësisht topi shkoi jashtë portës.
Spektakli ishte i tëri i garantuar për pjesën e dytë pasi që të gjithë golat në këtë takim u shënuan në fraksionin e dytë të ndeshjes.
Fillimisht ishin ukrainasit ata që kaluan në avantazh të parët me anë të Yukhym Konoplias i cili në minutën e 49-të shënoi për 1-0.
I menjëhershëm ishte reagimi i Shqipërisë të cilët arritën të barazojnë shifrat përmes Ardian Ismajlit që shënoi për 1-1 në minutën e 54-të.
Kuqezinjtë nuk u ndalën më kaq dhe gjetën edhe golin e dytë që në fund doli të ishte i fitores, përmes Jasir Asanit i cili në minutën e 66-të u gjend mirë në zonë duke shfrytëzuar një top të mirë nga Rey Manaj për rezultatin 2-1.
Deri në fund të besuarit e Sylvinhos e menaxhuan mirë epërsinë e krijuar dhe kështu morën tri pikët e para në Ligën e Kombeve, para duelit të radhës që do të luhet të martën ndaj Gjeorgjisë në ‘Air Albania’
Shqipëria e pandalshme, Asani shënon për ta kompletuar përmbysjen
Shqipëria ka kompletuar rikthimin e rezultatit në ndeshjen që kuqezinjtë po e zhvillojnë ndaj Ukrainës në Çeki.
Kuqezinjtë dhe ukrainasit po përballen në ndeshjen e vlefshme për edicionin e ri të Ligës së Kombeve, teksa fillimisht ishin këta të fundit që kaluan në avantazh.
Të besuarit e Sylvinhos fillimisht shënuan për të barazuar rezultatin në 1-1 në minutën e 54-të me anë të Ardian Ismajlit.
Menjëherë pas golit të barazimit, ata u vunë në kërkim të golit të avantazhit dhe pas disa përpjekjeve e gjetën.
Ishte Jasir Asani njeriu i super golave, ai i cili i dha avantazhin Shqipërisë duke shënuar me gjakftohtësi në cepin e portës së Trubin për rezultatin 2-
