Kuvendi i Odës Ekonomike të Kosovës (OEK) sot në një mbledhje ka vendosur të shpallë zgjedhje të reja për mandatin e ardhshëm katër vjeçar.
Kryesuesi i Kuvendit të OEK-ut, Ruzhdi Kurtishaj, ka falënderuar të gjithë anëtarët e Kuvendit të OEK -ut gjatë mandatit katër vjeçar (2018-2022). “Në cilësinë e Kryetarit të Kuvendit të Odës Ekonomike të Kosovës, falënderoj të gjithë anëtarët e Kuvendit të OEK -ut gjatë mandatit katër vjeçar (2018-2022) për bashkëpunimin dhe punën e bërë, gjithashtu falënderojë kryetarin Berat Rukiqi, sekretarin Parim Bajrami dhe gjithë stafin të Odës Ekonomike e Kosovës për bashkëpunim”, ka shkruar Kurtishaj në “Facebook”,
Ai ka uruar sukseset Kuvendit të ardhshëm të Odës Ekonomike të Kosovës për zgjedhjen e organeve të reja. Ndryshe zgjedhjet e reja për mandatin e ardhshëm 4 vjeçar.
Oda Ekonomike Kosovës (OEK), është organizatë profesionale e themeluar nga Kuvendi i Kosovës. OEK-u është organizatë profesionale e pavarur, jopolitike dhe jofitimprurëse. Është institucioni i vetëm i biznesit i themeluar me ligj dhe veprimtaria e OEK-ut zhvillohet mbi bazën e këtij Ligji (Ligji mbi Odën Ekonomike të Kosovës 2004/7) i miratuar nga Kuvendi i Kosovës.
OEK është institucion në shërbim të ekonomisë kosovare, partner konstruktiv i institucioneve shtetërore të Kosovës, partner në dialogun social si dhe promotor i zhvillimit ekonomik dhe politikave të mira makroekonomike.
Oda Ekonomike e Kosovës analizon gjendjen ekonomike të Kosovës dhe aktivisht propozon forma të reja dhe të avancuara të biznesit vendor dhe bënë ndërkombëtarizimin e ndërmarrësisë kosovare. Oda Ekonomike e Kosovës kontribuon në zhvillimin e ndërmarrjeve, po ashtu me profesionalizmin dhe vendosmërinë e saj kontribuon në përafrimin e biznesit kosovar dhe shoqërisë kosovare me vlerat evropiane.
OEK ka selinë qendrore në Prishtinë dhe njësitë rajonale në : Prishtinë, Mitrovicë, Pejë, Prizren, Gjakovë, Ferizaj dhe Gjilan. /RTKlive/
