Skuadra e Luganos ka shënuar fitore minimale 1:0 ndaj Luzernit në ndeshjen e javës së 26-të në Superligën e Zvicrës.
Golin e vetëm në këtë ndeshje e shënoi futbollisti kosovar, Shkëlqim Vladi.
Vladi shënoi gol në pjesën e parë në minutën e 40’të pas një asisti nga Bottani.
Ky ishte goli i pestë në kampionat për lojtarin kosovar.
Kujtojmë që Lugano me këtë fitore shkon në kuotën e 40 pikëve në pozitën e 3-të.
