Të paktën 14 persona kanë vdekur në përmbytjet dhe rrëshqitjet e dheut të shkaktuara nga shirat e rrëmbyeshëm që zgjatën disa ditë në Korenë e Jugut.
Ka frikë se numri i të vdekurve mund të rritet ndërsa përpjekjet e shpëtimit vazhdojnë, me 12 persona të raportuar të zhdukur.
Bëhet e ditur se gati 10,000 njerëz janë evakuuar nga shtëpitë e tyre që kur reshjet e shiut filluan, ndërsa më shumë se 41,000 familje kanë humbur përkohësisht energjinë elektrike, shkruan BBC.
Shiu është qetësuar kryesisht në zonat jugore dhe qendrore më të goditura, por priten më shumë reshje në Seul dhe rajonet veriore të vendit.
Mijëra rrugë dhe ndërtesa janë dëmtuar dhe përmbytur nga ujërat e rrëmbyeshme të përmbytjeve, me raportime për dëmtime në toka bujqësore.
Shumë nga shkatërrimet kanë qenë në jug të vendit, me gjashtë persona të vrarë dhe shtatë të zhdukur në qarkun Sancheong.
Viktima kap pasur gjithashtu në një rajon malor verior pranë Seulit, si dhe në zona të tjera perëndimore dhe veriore.
Dy persona u vranë dhe katër u raportuan të zhdukur në Gapyeong pasi një rrëshqitje dheu përfshiu pronat.
