Shembull të mirë ka dhënë një qytetar me veprimin e tij që ka bërë.
Policia e Kosovës ka bërë të ditur se në stacionin “Qendra” qytetari V.Ramadani, e ka dorëzuar të premten një grumbull parash, më saktësisht mbi 2000 euro që i kishte gjetur në rrugë.
Sipas njoftimit, bashkë me paratë, në portofol ishin edhe dokumentet personale të personit të cilit i ka humbur.
“Sot zyrtarëve të stacionit policor Qendra, në rrugën “Tringë Ismajli”, në Prishtinë, një qytetar V.Ramadani, ju ka dorzuar një portofol (që e kishte gjetur në rrugë), ku kishte një shumë parash dhe dokumente personale. Menjëherë është ftuar në stacion pronari i portofolit dhe konform procedurave i njëjti ka pranuar portofolin, paratë dhe dokumentet”, thuhet në njoftim.
Duke çmuar këtë gjest human, Policia e Kosovës falënderon të gjithë qytetarët për bashkëpunimin e vazhdueshëm me policinë.
