Serbë të shumtë janë mbledhur sot në shëtitoren në Mitrovicë për të marrë pjesë në protestën e paralajmëruar si tubim kundër “tradhtisë së lartë” të Aleksandër Vuçiqit dhe “torturave, mburrjeve, pasurimit të pakontrolluar, kërcënimeve, shantazheve” të Listës Serbe.
Protesta nisi pak pas orës 12:00. Të pranishmit shpalosën një pankartë ku shkruhej “Vuçiq – Kosmeti nuk të do, na tradhtove, Ne nuk do ta bëjmë as ZSO-në tuaj, na shitët”., shkruan Kossev.info dhe jep pamje nga protesta.
Në nisje të ngjarjes qytetarët kanë thirrur “tradhti”, “listë e zezë”.
Protesta ishte planifikuar fillimisht për datën 9 janar, por organizatorët vendosën të ndryshojnë datën për shkak të kërkesave të shumta të bashkëqytetarëve, siç u shprehën ata, dhe për shkak të detyrimeve që do të kenë në vendet e tyre të punës më 9 janar.
