Raportohet se një grup prej njëzet/tridhjetë personash e kanë bllokuar pikën kufitare në Merdarë. Bëhet fjalë për pjesën nga Kurshumlia në drejtim të pikës kufitare, afërsisht 2 kilometra larg kufirit.
Si pasojë e këtij bllokimi, janë bërë rreth 1 orë prej se në kufi nuk ka mundur të kalojë asnjë mërgimtar.
Qytetarët kanë vendosur në rrugë një kamion me rimorkio dhe traktorë. Komunikacioni nuk është duke lëvizur në asnjërën anë të vijës administrative dhe kolonat e veturave janë formuar si nga drejtimi i Kosovës ashtu edhe në drejtim të Serbisë.
Të tubuarit mbajnë flamuj të Serbisë dhe theksojnë se kanë ndërmend të qëndrojnë atje për të mbështetur bashkatdhetarët në Mitrovicën e Veriut.
