Senati konfirmoi John Ratcliffe si drejtor të CIA-s, duke i dhënë Presidentit Donald Trump, anëtarin e dytë të kabinetit të tij të ri.
Votimi në favor të tij u bë me rezultatin 74-25.
Ratcliffe ishte drejtor i inteligjencës kombëtare gjatë mandatit të parë të Trump dhe është personi i parë që ka mbajtur atë pozicion dhe postin kryesor në CIA, agjencia kryesore e spiunazhit të vendit.
Republikani i Teksasit është një ish-prokuror federal, i cili u shfaq si një mbrojtës i ashpër i Trumpit ndërsa shërbente si kongresmen gjatë shkarkimit të parë të Trump.
Në seanën e tij ën Senat javën e kaluar, Ratcliffe tha se CIA duhet të bëjë më mirë kur bëhet fjalë për përdorimin e teknologjisë si inteligjenca artificial, për t’u përballur me kundërshtarët, përfshirë Rusinë dhe Kinën.
Ai tha se Shtetet e Bashkuara duhet të përmirësojnë aftësitë e tyre të inteligjencës, duke siguruar gjithashtu mbrojtjen e të drejtave civile të amerikanëve.
Ratcliffe ka thënë se e sheh Kinën si rivalin më të madh gjeopolitik të Amerikës dhe se Rusia, Irani, Koreja e Veriut dhe kartelet e drogës, bandat e hakerave dhe organizatat terroriste, paraqesin gjithashtu sfida për sigurinë kombëtare.
Ai mbështet Aktin e Mbikëqyrjes së Inteligjencës së Jashtme, një program qeveritar spiunazhi që lejon autoritetet të mbledhin pa garanci komunikimet e jo-amerikanëve jashtë vendit.
Ish-senatori i Floridës, Marco Rubio, u konfirmua në fillim të kësaj jave si sekretar i shtetit, anëtari i parë i kabinetit të Trump.
Ashtu si kandidatët e tjerë të Trump, Ratcliffe është një besnik i Trump. Përveç punës së tij për të mbrojtur Trumpin gjatë procedurave të tij të para shkarkimit, Ratcliffe gjithashtu mori në pyetje me forcë ish-këshilltarin special Robert Mueller, kur ai dëshmoi para ligjvënësve për hetimin e tij për ndërhyrjen ruse në zgjedhjet e vitit 2016.
Si drejtor i inteligjencës kombëtare, Ratcliffe mbikëqyri dhe koordinoi punën e më shumë se një duzinë agjencish spiunazhi.
