Sekretari amerikan i Shtetit, Antony Blinken, është rikthyer në Izrael për herë të dytë në më pak se një javë pas diskutimeve me liderët arabë në lidhje me konfliktin mes Izraelit dhe Hamasit.
Blinken, i shoqëruar nga një ekip i specializuar i sigurisë kombëtare, ka mbërritur në Tel Aviv më 16 tetor, pas një turneu në gjashtë vende arabe, ku ka dëgjuar dhe kuptuar shqetësimet e liderëve të rajonit, raporton BBC.
Gjatë këtyre takimeve, tema kryesore ishte mundësia e një sulmi tokësor në Gazë dhe pasoja të mundshme të një konflikti më të gjerë rajonal.
Gjatë qëndrimit të tij në Izrael, Blinken pritet të zhvillojë bisedime me kryeministrin izraelit, Benjamin Netanyahu, si dhe me anëtarë të ekipit të tij të sigurisë kombëtare.
Po ashtu, Shtëpia e Bardhë po e shqyrton mundësinë e një vizite të presidentit amerikan, Joe Biden, në Izrael gjatë kësaj jave, theksuar kështu ndërhyrjen e fuqishme të SHBA-së në këtë çështje të ndjeshme.
Në programin e tij të ngarkuar, Blinken do të takohet ndaras me presidentin izraelit, Isaac Herzog, ministrin e Mbrojtjes, Yoav Gallant, dhe liderin opozitar, Yair Lapid.
Ndërkohë që administrata e Biden, përfshirë edhe sekretarin Blinken, kanë shprehur mbështetje të fortë ndaj Izraelit në kundërpërgjigjen ndaj sulmeve të grupit militant, Hamas, është theksuar nevoja për mbrojtjen e civilëve dhe shmangien e një krize humanitare më të madhe në rajon.
Ky vizitë e dytë e sekretarit Blinken në Izrael pas vizitave në vendet arabe ka për qëllim përcaktimin e qëndrimit të SHBA-së në lidhje me konfliktin aktual dhe ndihmën humanitare për palestinezët.
Hamasi nisi sulme ajrore, tokësore dhe detare ndaj Izraelit më 7 tetor.
Izraeli u kundërpërgjigj ashpër, duke bombarduar Rripin e Gazës.
Si pasojë e dhunës, në Izrael janë vrarë mbi 1.400 izraelitë, ndërkaq në Rripin e Gazës janë raportuar 2.670 palestinezë të vrarë.
Izraeli ka urdhëruar mbi 1 milion palestinezë të evakuohen në jug të Gazës. Ky shtet ka thënë se po tenton të largojë civilët para se të ndërmarrë një fushatë të madhe kundër Hamasit në veri të Rripit të Gazës.
