Reperi Ledri Vula është njëri nga artistët më të përfolur në media, për punën e tij dhe për jetën personale.
Edhe pse tash e një kohë ai është në një lidhje me partneren e tij Sara Hoxhën, disa fansa vazhdojnë të kujtojnë një nga historitë e tij të mëparshme të dashurisë, atë me këngëtaren Dafina Zeqiri.
Në rrjetin social, TikTok po qarkullojnë shumë video, ku fansat krijojnë pamje të Ledri Vulës me ish- të dashurën e tij madje ata lidhin edhe disa nga tekstet e këngëve me historinë e tyre.
Por si ndihet Sara Hoxha kur shikon këto video të saj me partnerin dhe ish- të dashurën e tij?
Ajo ka treguar edhe herë të tjera që nuk bëhet xheloze për partnerin e saj, megjithatë, kësaj here ajo ka vendosur të japë një përgjigje më ndryshe.
Në një bisedë me ndjekësit e saj në Instagram dikush e pyet: “Çfarë mendon për ato editimet që janë bërë në TikTok me këngën e re të Dafinës me ty dhe Ledrin?”
“Super ide marketingu kushdo që e ka bërë i lumtë”- shkruan fillimisht Sara duke shtuar: “I mean it (E kam seriozisht)”.
