Udhëheqësit e gjashtë vendeve të Ballkanit Perëndimor janë takuar sot në Berlin në një samit të udhëhequr nga kancelari gjerman Olaf Scholz.
Në fjalën e tij hyrëse, Scholz edhe një herë ka theksuar se e ardhmja e Ballkanit Perëndimor është në Bashkimin Evropian, ndërsa tha se normalizimi i marrëdhënieve Kosovë- serbi, duhet të përshpejtohet.
Pas këtij fjalimi, ata kanë shkrepur një fotografi të përbashkët, në mesin e të cilëve është kryeministri i Kosovës, Albin Kurti, kryeministri i Shqipërisë Edi Rama, mandej edhe kryeministra tjerë nga rajoni.
Pas pak pritet të bëhet nënshkrimi i tri marrëveshjeve në kuadër të Samitit të Berlinit.
Pas kësaj, ky samit do të ketë edhe dy sesione pune në kuadër të këtij procesi dhe në orën 13:30 delegacionet do të dalin nga qeveria gjermane./KosovaNews/
