Edhe pak ditë kanë mbetur deri sa të hyj në fuqi Ligji i Pagave. Ne fakt 5 shkurti është data kur ligji në fjalë fuqizohet, pasi bëhet një muaj prejse është shpallur në gazetën zyrtare pasi presidentja Vjosa Osmani e ka dekretuar.
Rritje të koeficienteve me ligjin e ri ka për mjekët specialistë, mësimdhënësit dhe policët. Projektligji për Paga është miratuar në Kuvendin e Kosovës me 22 dhjetor të vitit të kaluar.
E tashmë është ofruar edhe koha kur do të caktohet vlera monetare për koeficientin. Shefja e GP të Vetëvendosjes, Mimoza Kusari-Lila tha se më sa largu javën tjetër Qeveria e dërgon për miratim në Kuvend caktimin e vlerës në euro.
Qëllimi i këtij ligji është që të krijojë një sistem të njëtrajtshëm të pagave në sektorin publik, që përfshin parimet dhe rregullat për përcaktim të pagës në sektorin publik.
Mes tjerash çka parasheh Ligji i pagave?
Pagat e punëtorëve në Kosovë llogariten duke e shumëzuar koeficientin e pagës së një pozite me vlerën monetare të koeficientit.
Në total janë 18 koeficiente.
Në projektligjin e miratuar më 23 nëntor të këtij viti, nuk përcaktohet vlera monetare e koeficientit, por thuhet se “vlera monetare e koeficientit përcaktohet me ligjin vjetor të buxhetit”.
Raporti i koeficienteve është 1:18.
Koeficientet sipas Ligjit të Pagave
Koeficienti më i lartë, 18, sipas projektligjit, i takon vetëm presidentit të Kosovës.
Niveli i koeficientit 17.5 i takon kryetarit të Gjykatës Kushtetuese.
Koeficienti 17 i takon kryetarit të Kuvendit të Kosovës, si dhe kryeministrit.
Për mjekët specialistë, koeficienti është 12.
Mësimdhënësit në shkolla fillore dhe ato të mesme të ulëta, do të kenë koeficientin 5.6
Qëllim përcaktimi dhe rregullimi i sistemit të pagave
Projektligji për Pagat ka për qëllim kryesor përcaktimin dhe rregullimin e sistemit të pagave dhe shpërblimeve për të gjithë të punësuarit që përfitojnë pagë nga buxheti i Kosovës.
Nga kjo kategori e cila mbulohet me këtë projektligj, përjashtohet vetëm Agjencia Kosovare e Inteligjencës, për shkak të natyrës së saj të funksionimit./KosovaNews
Këtu keni të gjithë koeficientët për të gjitha kategoritë e të punësuarit në sektorin publik. Shikoni dhe mësoni se çfarë koeficienti keni. Për të parë të gjitha klikoni te Shtojcat…Download