Valës së ngritjes së çmimeve, nga sot i janë bashkuar edhe furrtarët prizrenas. Sipas shoqatës së furrtarëve të Prizrenit, një gjë e tillë është bërë pasi shumë produkte janë shtrenjtuar, dhe nga dita e sotme edhe çmimi i bukës do të ketë rritje, kanë theksuar përfaqësues të kësaj shoqate për TV Prizreni.
Sipas tyre, nga dita e martë çmimi i bukës në disa furra është rritur në 0,60 cent, 20 cent më shtrenjtë se çmimi i deritanishëm, ndërsa edhe furrat tjera pritet që nga dita e nesërme të veprojnë ngjashëm.
