Në vazhdën e sondazheve periodike të kryera për nevojat e një institucioni të njohur ndërkombëtar, Presidenca e vendit dallohet si institucioni politik besueshmeria e të cilit është rritur dukshëm në raport me vitet e kaluara me rritje prej 20% prej vitit paraprak, e më së shumti në raport me institucionet tjera politike në vend.
Kjo është hera e parë që shefi i shtetit në vendin tonë, përveç që ka besueshmërinë e 62% të qytetarëve, atë e ka rritur dukshëm në krahasim edhe me numërin e votave të marra në zgjedhjet e fundit.
Sondazhi është zhvilluar në periudhën nëntor 2022, përgjatë së cilës janë intervistuar 1.702 respodent, mostër kjo e pranueshme për matjen e opinionit publik sipas metodave të hulumtimit. Me marzh te gabimit +/- 2.83%
E si duket krahas komandantes supreme qytetarët vlerësojnë lartë edhe punën e FSK e cila ka rritje të besueshmërisë prej 30% në raport me prillin e vitit të kaluar.
Përveç besueshmërisë, sondazhi ka trajtuar përmes një rresht pyetjeve edhe shkallën e korrupsionit të pranishme nëpër institucionet publike, rezultati i të cilave ilustron se qytetarët besojnë që presidenca është institucioni më i pa-korruptuar në vend.
