Policia e Kosovës ka arrestuar katër persona në Mamushë, pasi dyshohet se janë rrahur mes vete.
Në raportin 24-orësh bëhet e ditur se të njëjtit kishin një mosmarrëveshje të mëhershme, e cila dyshohet të ketë çuar drejt përleshjes fizike.
Si pasojë të dyshuarit pas lëndimeve të marra trupore janë dërguar për tretman mjekësor teksa rasti është iniciuar si “Lëndim i rëndë trupor”.
Ndërsa me vendim të prokurorit, të dyshuarit janë dërguar në mbajtje.
“Janë arrestuar katër të dyshuar kosovarë, pasi të njëjtit pas një mosmarrëveshjeje të mëhershme, janë përleshur fizikisht në mes vete. Si pasojë të njëjtit kanë pësuar lëndime trupore dhe janë dërguar për tretman mjekësor. Me vendim të prokurorit, të dyshuarit janë dërguar në mbajtje”, thuhet në raport.
