Rasmus Kristensen është zyrtarizuar këtë të premte te AS Roma.
Klubi italian ka huazuar danezin nga Leeds United për sezonin e ardhshëm, teksa në marrëveshje nuk është përfshirë opsioni i blerjes.
“Jam krenar që i bashkohem këtij klubi historik: nuk m’u desh shumë kohë për të perceptuar traditën e madhe që shoqëron AS Roma, një klub që e kam ndjekur me shumë interes vitet e fundit. Performancat e ekipit më kanë rritur edhe dëshirën për t’iu bashkuar këtij projekti dhe mezi pres të fillojë kjo aventurë e re”, tha 26-vjeçari pas prezantimit te klubi nga kryeqyteti italian.
Kurse, drejtori i përgjithshëm i Romës, Tiago Pinto, u shpreh: “Rasmus është një futbollist që e kemi ndjekur për një kohë të gjatë, edhe në eksperiencat e tij të mëparshme futbollistike: më në fund patëm mundësinë të sjellim në Romë një djalë të pjekur, me një sfond të rëndësishëm, pavarësisht moshës së tij të re. Ne jemi të bindur se falë kontributit të tij, mbrojtja jonë do të jetë më e fortë dhe skuadra jonë më konkurrues.
