Një filial bankar është tentuar të grabitet pasditen e së mërkurës në Prizren.
Punëtori ka raportuar se një i maskuar me armë është futur në objekt, por nuk ka mundur të kryejë grabitjes pasi është ndaluar.
Policia ka arritur ta identifikojë të dyshuarin dhe ka bastisur shtëpinë e tij.
Megjithatë, nuk ka arritur ende ta arrestojë.
“Viktima mashkull kosovar punëtor sigurimi në filialin bankar ka raportuar se një person i panjohur i maskuar dhe nën kërcënimin të armës, ka hyrë në objekt dhe në pamundësi për të kryer grabitje është konfrontuar me viktimën dhe është larguar në drejtim të panjohur. Viktima ka pësuar lëndime trupore dhe ka pranuar tretman mjekësor. Gjatë hetimit të rastit, është identifikuar i dyshuari mashkull kosovar dhe me urdhër të prokurorit është bërë bastisja e shtëpisë së të dyshuarit. I dyshuari nuk është gjetur në shtëpi. Rasti nën hetime”, thuhet në raportin ditor të Policisë së Kosovës.
