Kryeministri i Republikës së Kosovës, Albin Kurti bashkë me ministrin e Kulturës, Hajrulla Çeku, takuan drejtoren e sapozgjedhur të Qendrës Kinematografike të Kosovës, regjisoren Blerta Zeqiri.
Kurti tha se Blerta është ndër emrat më të suksesshëm në kinematografinë e Kosovës.
“Ajo njihet për cilësinë e krijimtarisë dhe kontributin për zhvillimin e sektorit të filmit. Blerta nisi një angazhim të ri, duke e bartur zërin dhe potencialin e komunitetit brenda institucionit më të lartë të filmit”.
Tutje kryeministri Kurti theksoi se me Blertën në krye të QKK-së fuqizohet reforma jonë në kinematografi dhe me buxhet të rritur për prodhim të filmit dhe ligjin e ri në prag të miratimit përfundimtar, kinematografia jonë do të arrijë nivele të reja të suksesit ndërkombëtar.
