Real Madrid veproi me shpejtësi pas përfundimit të sezonit vendas, me Xabi Alonson që u emërua trajner, i shoqëruar nga dy përforcime të reja: Dean Huijsen dhe Trent Alexander-Arnold.
‘Los Blancos’ shpenzuan gjithsej 70 milionë euro për të dy lojtarët, por që atëherë, aktiviteti në merkato është ngadalësuar.
Plani fillestar ishte që Alonso të kishte në dispozicion shumicën e mbrojtjes së re për turneun në Shtetet e Bashkuara, përfshirë edhe një mbrojtës të majtë që pritej të mbërrinte.
Ky mbrojtës i majtë është identifikuar si Alvaro Carreras i Benficas, pas një sezoni të dytë të shkëlqyer në ‘Estadio da Luz’, por negociatat nuk kanë shkuar pa pengesa.
Real Madridi dëshironte të përfundonte marrëveshjen për rreth 40 milionë euro, por Benfica deri tani ka qëndruar e vendosur në kërkesën e saj për të marrë të gjithë shumën e 50 milionë eurove të përcaktuara në klauzolën e lirimit të lojtarit.
Pavarësisht pretendimeve për një marrëveshje, ‘Los Blancos’ nuk mundën ta nënshkruanin lojtarin përpara turneut, dhe Benfica e konfirmoi publikisht se nuk kishte asnjë marrëveshje të arritur.
Sipas mediumit spanjoll Marca, Real Madrid ka rifilluar negociatat për Carreras.
Thuhet se bisedimet po zhvillohen drejtpërdrejt nga presidentët Rui Costa dhe Florentino Perez, dhe ekziston shpresë që të arrihet një marrëveshje.
Për sa i përket lojtarit, Real Madrid dhe Carreras kanë arritur marrëveshje për kushtet personale që disa javë më parë.
