Rasti i parë i lisë së majmunëve është regjistruar në shtetin serb dhe sipas të dhënave të Institutit të Shëndetit Publik të Serbisë, “Dr Milan Jovanović Batut”, rasti është diagnostikuar dhe trajtuar terapeutikisht.
Diagnostifikimi laboratorik u krye në Institutin e Virologjisë, Vaksinave dhe Serumeve Torlak, raporton danas.
“Instituti kompetent territorial i shëndetit publik ka kryer hetim epidemiologjik të rastit dhe janë kryer të gjitha masat e evidentimit, testimit, raportimit dhe kontrollit të përhapjes së mëtejshme të infeksionit në përputhje me udhëzimet metodologjike të ekspertëve”, thuhet në njoftimin e Institutit.
Në përputhje me Rregulloret dhe Protokollet Ndërkombëtare të Shëndetit, rasti i parë i konfirmuar u raportua në institucionet ndërkombëtare shëndetësore.
Organizata Botërore e Shëndetësisë (OBSH) ka thënë më parë se Evropa është në “epiqendrën” e epidemisë globale të lisë së majmunëve.
OBSH e quajti epideminë globale “të pazakontë dhe shqetësuese”. Ata do të vendosin javën e ardhshme nëse do ta shpallin epideminë një emergjencë globale shëndetësore./kp/
