Kryeministri i Shqipërisë, Edi rama, është takuar me presidentin Serbisë, Aleksandar Vuçiq, kryeministrin e Maqedonisë së Veriut, Dimtar Kovaçevski e liderët e tjerë evropianë në kuadër të Samitit të dytë të Komunitetit Politik Evropian, që po zhvillohet në kryeqytetin e Moldavisë, Kishinau.
“Ndërkohë, konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë”, deklaroi Rama.
Ndërsa kryeministri i Maqedonisë së Veriut, Dimitar Kovaçevski, i ka ftuar Kosovën dhe Serbinë që t’i zbatojnë marrëveshjet e arritura në kuadër të dialogut të ndërmjetësuar nga Bashkimi Evropian.
“Paqja në Kosovë, është paqe për Ballkanin Perëndimor”, ka thënë Kovaçevski.
“Koha për konflikte është larg nesh. Implementimi i të gjitha marrëveshjeve të arritura dhe aneksit duhet të jetë imperativ për të dyja vendet”, tha Kovaçesvki.
Ai ftoi të dyja palët për shtensionim të situatës dhe vazhdim të komunikimit, me ndihmën e ShBA-së dhe BE-së.
Presidenti i Serbisë, Vuçiq ka thënës se me kryeministrin shqiptar, Edi Rama, por edhe disa liderë të tjerë rajonalë, ka diskutuar mbi zhvillimet e fundit.
“Folëm për zhvillimet e fundit [zhvillimet e fundit në veri të Kosovës]dhe hapat e mëtejmë që mund të kontribuojnë në gjetjen e zgjidhjes ndaj situatës aktuale të vështirë dhe serioze”, ka shkruar Vuçiq.
